КӨРРИГИЙН ӨМСГӨЛ ХАМГИЙН ИХ БОРЛУУЛАГДЖЭЭ

"Грек Мангас" өнгөрсөн улиралд өмсгөлийн борлуулалтаараа ес дүгээр байранд жагсаж байсан билээ. Тэгвэл 2017 - 2018 оны улирлын эхний гурван сарын байдлаар өмсгөлийн борлуулалтаараа дөрөв дүгээр байранд бичигдэж эхэлсэн байна.

Тэгвэл сүүлийн хоёр улиралд өмсгөлийн борлуулалтаараа лигийг тэргүүлсэн Голден Стэйт Уорриорс багийн хамгаалагч Стефен Көрри энэ улиралд ч тэргүүллээ хадгалсаар байна. Түүний араас ЛэБрон Жэймс, Кэвин Дурант нар бичигдэж байгаа бол Нью Йорк Никс багийн залуу довтлогч Кристапс Порзингис тав дугаар байранд бичигдэж байна.

Филадельфи Сиксерс багийн залуу тоглогчид болох Жоел Эмбийд, Бэн Симмонс нар зургаа болон найм дугаар байранд бичигдэж байгаа юм.

Энэ улиралд НБЭ - д драфтлагдсан шинэ тоглогчдоос эхний 15 байранд ганцхан тоглогч багтсан бөгөөд тэр нь Лос Анжелес Лэйкерс багийн хамгаалагч Лонзо Болл юм.

Кайри Ирвингийн өмсгөл өнгөрсөн улиралд борлуулалтаараа тав дугаар байранд бичигдэж байсан бол энэ улиралд 12 дугаар байр руу ухаржээ. Энэ нь мэдээж өнгөрсөн зун багаа сольж Бостон Сэлтикст очсонтой холбоотой юм.