ТАЙВАН, ТӨВД, ХОНГКОНГ, МАКАОГ ТУСДАА УЛС МЭТ БИЧСЭН ҮЙЛДЭЛДЭЭ УУЧЛАЛ ГУЙХЫГ ШААРДЖЭЭ

Хятадын нисэх хүчний удирдлага Дельта Эйр Лайн компаниас Тайван, Төвдийг тусдаа улс мэтээр сайт дээр бичсэн үйлдэлдээ уучлал гуйхыг шаардлаа. Хятадын төрийн байгууллага хувцасны брэнд Зара, эмчилгээний бүтээгдэхүүний Медтроник компанийн хооронд мөн яг үүнтэй ижил зүйл болсон юм.

Өнгөрсөн долоо хоногт л гэхэд Марриот сүлжээ зочид буудлын хятад сайтыг дэлхийн хамгийн том зочид буудлын сүлжээнүүдийг жагсаасан мэдээлэлдээ Тайван, Хонгконг, Макао, Төвдийг тусдаа улс мэтээр бичсэнээс болж долоо хоног хаасан.

Хятадын нисэх хүчний удирдлага "Бүх нислэгийн компаниудад Хятадын хууль, журмыг мөрдөхийг л шаарддаг. Дельта Эйр Лайн дээр болсон шиг зүйлийг дахин гарахаас сэргийлж бүх авиа компаниудын сайтад дэлгэрэнгүй шалгалт явуулна" гэж мэдэгдлээ. Дельта ч хүлцэл өчиж, улс төрийн зорилгогүй хайхрамжгүй алдаа байлаа хэмээн тайлбарласан байна. Зарагийн хувьд Тайванийг сайт дахь улс орныхоо жагсаалтаас буулгаж, Медтроник Хятадын Тайван хэмээн залруулжээ.