ХЯТАДЫН ЦЭЦЭРЛЭГ, БАГА СУРГУУЛЬД БЭЛГИЙН ХҮЧИРХИЙЛЛИЙН ТАЛААР ЗААЖ БАЙНА

Хятадын цэцэрлэг, бага сургуульд бэлгийн хүчирхийлэлд өртөхөөс хэрхэн урьдчилан сэргийлэх талаар зааж байна. Эцэг эхчүүд ном гарын авлага авч өгөх, онлайн курсүүдэд хамруулах зэргээр тун нээлттэй ханддаг байна. Хүүхдүүдэд заахад бэлгийн харилцаа нь уламжлалт бус сэдэв юм. Гэвч, өнгөрсөн сард гарсан хэд хэдэн хэргээс үүдэлэйгээр ийм шийдвэр гаргажээ.

Тодруулбал, өнгөрсөн сард Бээжингийн "Улаан Шар Цэнхэр" гэгч цэцэрлэгийн багш, ажилтнууд мансууруулах бодис хэрэглэж, бага насны хүүхдэд бэлгийн хүчирхийлэл үзүүлсэн хэмээн буруутгагдсан. Нэг хүүхэд эцэг эхдээ цэцэрлэг дээр нь "эмч ах", "эмч өвөө" гэж өөрсдийгөө нэрлэсэн нүцгэн хүмүүс хүүхдүүдийг нүцгэлэн эрүүл мэндийн үзлэг хийдэг гэж ярьсан байна. Үүний дараа эцэг эхчүүд энэ асуудалд анхаарах болж, мэргэжлийн байгууллагуудад багш, ажилчдад сургалт явуулах хүсэлт ч тавьж эхэлжээ.

Дээрхи хэрэг бага насны хүүхдийн эсрэг хүчирхийллийн талаар маш том дохио болсон байна.