14 НАСТАЙГААСАА ХУЛГАЙ ХИЙЖ ДӨРВӨН ЖИЛИЙН ДОТОР 60 МАШИН ХУЛГАЙЛЖЭЭ

Гурван жилийн өмнө М гэх хүү15 настайдаа цагдаагийн байгууллагад шалгуулж байхдаа Б, Э нартай бүлэглэн 2014 оны 4-8 сарын хооронд нийслэлийн Баянгол, Сонгинохайрхан, Чингэлтэй, Сүхбаатар, Хан-Уул, Баянзүрх дүүргийн нутаг дэвсгэрээс 28 удаагийн үйлдлээр бусдын эзэмшлийн "Хьюндай", "Аксент", "Верна", "Соната", "Старикс", "Микро", "Хонда", "Тоёота Чейзэр", "Тоёота Марк-2" маркийн автомашинд түлхүүр тааруулан хулгайлах гэмт хэрэг үйлдсэнээ хүлээжээ

Ингэж хулгай хийхдээ түлхүүр хувилж, олшруулдаг газруудаас маш олон тооны түлхүүр авч ашигладаг байснаа хүлээж, мөрдөн байцаалтын явцад бусдад 98 орчим сая төгрөгийн хохирол учруулсан нь тогтоогдсон байна. Харин М гэх энэ хүү өдгөө 18 нас хүрч, нас биед хүрчээ. Тэрбээр өнгөрсөн гурван жилийн хугацаанд хулгайн хэргээ үргэлжлүүлж, бусдын автомашиныг хулгайлсан 28 үйлдэл нь 60 болж өссөн байна. Түүнийг одоо Мөрдөн байцаах албаны хулгайлах гэмт хэрэгтэй тэмцэх хэлтэст шалгаж байгаа ажээ.