ХЯТАДЫН C919 ОНГОЦЫГ АНУ ХУДАЛДАЖ АВАХ УУ?

Хятад улс анх удаа үйлдвэрлсэн дунд оврын онгоцоо экспортлох сонирхолтой байна. Шанхайн "Commercial Aircraft Corp" компанийн үйлдвэрлэсэн C919 онгоц Бойнг 737-той жишигдэж, Тайланд, Герман, Африкт худалдан авагчаа хэдийнээ олсон.

Харин АНУ-д экспортлох тал дээр асуудал шийдэгдээгүй байна. Хоёр улс хоорондоо агаарын бүтээгдэхүүн худалдах, худалдан авах гэрээтэй, тус гэрээгээр Хятадын нисэх онгоцыг АНУ-д нийлүүлэх тал дээр хөнгөвчилсөн заалтууд бий. Гэвч, АНУ-ын талаас "нисэхийн бүтээгдэхүүн" худалдан авахад мөрддөг стандартдаа нийцсэн эсэхийг мэргэжлийн байгууллагаар баталгаажуулахыг хүсэж байгаа юм.

Долоон жилийн хугацаанд 9.5 тэрбум долларын хөгжүүлэлт хийсэн нисэх онгоц АНУ-ын стандартаас хол зөрөхгүй гэж шинжээчид үзэж байна.

Асуудлын гол нь тус онгоцны чанарт биш төлөвлөж байснаас үнэтэй байгаад байгаа юм. АНУ-аас бусдаар тус онгоцны эрэлт маш их байгаа гэнэ. C919 онгоцыг зөвхөн Хятадад л гэхэд худалдан авах болон түрээслэх захиалгын тоо 800 гаруй болсон гэж Шиньхуа агентлаг мэдээлжээ.