БОЛЗООНЫ АПП-ААР ТЭРБУМ ГАРУЙ ЮАНЬ ЗАЛИЛЖЭЭ

Хятадад өргөнөөр хэрэглэдэг болзооны аппууд онлайн залилангийн эх үүсвэр байжээ. Гуандун мужийн цагдаагийн газар өнгөрсөн наймдугаар сард Хятадын 13 мужийн болзооны аппуудад мөрдлөг явуулж эхэлсэн байна. Өнгөрсөн долоо хоногийн байдлаар 600 гаруй хүн баривчлагдаж, Бээжин, Гуанжоу, Шэнжэн, Ханжоу, Чанша, Үхань хотуудад 21 компани хаагдсан байна.

Болзооны аппууд нь ганц бие эмэгтэйчүүд гэсэн тодорхойлолттой аккаунтуудыг үүсгэж, хэрэглэгчидтэй сээтэгнэхээр программчилсан байж. Ялангуяа шинэ хэрэглэгчид дээр онцгойлон анхаарал хандуулна. Тухайлбал энгийн хэрэглэгчийг вип хэрэглэгч болохыг хүсвэл 200 юань төлнө үү хэмээн тачаангуй хоолойгоор асуудаг байна. Мөнгийг төлвөл үргэлжлүүлэн чатлах боломжтой болоод зогсохгүй үе үе системээс түвшин ахих сануулга, 1000 юанийн үнэтэй онлайн бэлгүүдийг илгээдэг. Харин хэрэглэгч тухайн эмэгтэйтэй уулзахыг хүссэн тохиолдолд блоклоно.

Цагдаагийнхан өдөрт дунджаар 100 мянган хүн залилуулдаг, үүнээс тэрбум илүү төгрөгийг аккаунтууд олж чадсан гэж мэдээллэж байна.