ХУУЛЬ БУСААР ОЛДСОН ХӨРӨНГИЙГ МЭДСЭЭР БАЙЖ АШИГЛАСАН ИРГЭНИЙГ НЭГ ЖИЛ ХҮРТЭЛХ ХУГАЦААГААР ХОРИНО

Монгол улсад үйлдэгдэж байгаа нийт гэмт хэргийн 40 орчим хувийг хулгайн гэмт хэрэг дангаараа эзэлдэг. Хулгайд алдагдсан эд зүйлс ихэвчлэн ченжүүдийн гараар орж өнгө, хэлбэр дүрс нь өөрчлөгдөн зах зээлд нийлүүлэгддэг байна. Шинэчлэн батлагдсан Эрүүгийн хуульд гэмт хэргийн замаар олдсон хөрөнгийг авах, борлуулах үйлдлийг Мөнгө угаах гэмт хэрэгт хамруулахаар тусгаж өгчээ. Эрүүгийн хуулийн 18.6-р зүйлд гэмт хэргийн улмаас олдсон хөрөнгө, мөнгө, орлого гэдгийг мэдсээр байж авсан, ашигласан, эзэмшсэн, хууль бус үүсвэрийг нуун далдалсан иргэнийг зургаагаас нэг жил хүртэлх хугацаагаар хорьж шийтгэнэ гэж заасан байна.