АВТОМАШИНЫ УЛСЫН ДУГААРЫГ ЛАТИН ҮСЭГТ ШИЛЖҮҮЛЭХ СТАНДАРТ БАТЛАГДААГҮЙ БАЙНА

Авто машины улсын дугаарыг шинэчлэх ажил ирэх 7-р сараас эхэлнэ. Энэ ажлын хүрээнд Авто тээврийн үндэсний төв болон Зам тээвэр, хөгжлийн яамны холбогдох мэргэжилтнүүд тээврийн хэрэгслийн улсын дугаарыг олон улсын жишигт нийцүүлэхээр ажиллаж байгаа юм байна. Автомашины дугааржуулалтыг үсэг, тэмдэглэгээ буюу 4 орон тоо, үсгийг олон улсын стандартад нийцүүлэх зорилгоор MNS 4410:2002 гэсэн стандартыг 2002 онд баталсан байдаг. Одоогийн мөрдөж буй тээврийн хэрэгслийн улсын дугаар тэмдэгийн стандарт 2002 онд батлагдан өнөөдрийг хүртэл мөрдөж байгаа бөгөөд энэхүү стандарт батлагдах үед Монгол Улсын хэмжээнд 142463 тээврийн хэрэгсэл бүртгэлтэй байсан бол 2016 оны жилийн эцсийн байдлаар 5.8 дахин нэмэгджээ. Одоогоор хараахан стандарт батлагдаагүй байгаа юм байна