АНУ-ЫН ТҮҮХЭН БАРИЛГЫГ АВРАХ АЖЛЫГ КАНАДЫН ТАЛААС УДААШРУУЛЖ БАЙНА ГЭВ

Мэйн муж улсын Люкек хот дахь Маккурдигийн Утаат байшин (Smokehouse) нь өдий хүртэл үлдэж хоцорсон хамгийн сүүлчийн Америкийн уламжлалт хөдөө аж ахуйн байгууламж гэдгээрээ үнэт өв юм.
Гэвч өнгөрсөн долоо хоногт "бөмбөгдөгч циклон" шуурга эдгээр түүхэн таван барилгын нэгийг сүйтгэж, сүйрсэн хэсгүүд Канадын арал руу хөвж оржээ. Чухам энэ хог хаягдал байгаль хамгаалагчид, өв соёл хамгаалагчдын хоорнд асуудал дэгдээж байна. Энэ тухай утаат байшинг хамгаалдаг "Лубек нутаг" ТББ-ын Ерөнхийлөгч Рэйчэл Рубеор "Канадын албаныхан өв соёлын үнэт хэсгүүдийг аврах ажлыг тус улсын байгаль хамгаалагчид хуулийн дагуу хог хаягдлаа ялгах хүртэл хойшлуул байна. Энэ хүнд суртал нь цаг авч, өв соёл устах аюулд хүргэлээ" гэж мэдэгдлээ. Тагт, шат, ил зуух, хажуугийн хананууд зэрэг барилгын томоохо хэсгүүд азаар шуургаас эсэн мэнд үлдсэн. Гэвч Канадын байгаль орчны мэргэжилтнүүд хог хаягдал ялгах нэрээр зарим чухал хэсгийг хэдэн хэсэг тастаж, сүйтэж эхэллээ хэмээнРэйчэл Рубеор эсэргүүцсээр байна.