САУНД ГАРСАН ГАЛЫН УЛМААС 29 ХҮН АМЬ НАСАА АЛДЖЭЭ

Өмнөх оны 12 дугаар сарын 21-ний өдөр Солонгосын ЖЭЧОН хот дахь9 давхар спорт төвд гарсан галын улмаас 29 хүн амь насаа алдаж 29 хүн гэмтсэнхэрэг гарсан. Хохирогчдын дунд нэг гэр бүл болох эмээ, ээж, охин буюу нэг гэр бүлийн 3 үе амь насаа алдсан харамсалтай мэдээлэл гарсан. Уг галын хохирогчдын дийлэнхи буюу 20 хүн тус төвийн 2-р давхарт байрлах эмэгтэйчүүдийн саунд байрлаж байсан тухай холбогдох албаныхан мэдээллэсэн. Галын шалтгаан нь тус төвийн 1 дүгээр давхрын авто зогсоолд байрлах тээврийн хэрэгсэлд гарсан галаас эхэлж, тус төвийн барилга бүхэлдээ шатсан байна. Мэргэжилтнүүдийн гаргасан дүгнэлтээр тус сауны яаралтай гарцын зохион байгуулалт хийгдээгүйгээс хүний амь нас эрдсэх магадлал өндөр болохыг тогтоосон байна.

Гал түймрээс хамгаалах төвийн мэдээллийн дагуу, Саунд гарсан галын тохиолдол 2017 онд 57 удаа гарч 3 хүн гэмтсэн, мөн 2016 онд 53 удаагийн тохиолдол гарчээ. Дээрх тохиолдлуудад ихэвчлэн сауны яаралтай гарах гарц 1-ээс илүүгүй тохиолдол, цонх болон агааржуулалтын систем дутагдалтайгаас хохирол гарах магадлал өндөр байсан нь тогтоогджээ. Мөн түймэр илрүүлэгч тоног төхөөрөмж дутагдалтай зэрэг доголдлууд гарсан байна. Шалгалтад нийтдээ 1776 саун төв хамрагдсанаас 325 төв нь шаардлага хангахгүй болох нь тогтоогдсон байна.