АНДУУРАГДСАН ГҮЙЛГЭЭНИЙ УЛМААС ТАВАН ЗАЛУУ ЯЛ АВЧЭЭ

2017 оны 09 дүгээр сарын 29-ний өдөр Дорноговь аймгийн Даланжаргалан сумын нутаг дэвсгэрт Хаан банкны Олон овоо тооцооны төвийн ахлах теллер М.Г нь тус банкны үйлчлүүлэгч Л.Х интернет банк эзэмшигчийн овгийг андуурч нууц кодыг өгсөний улмаас түүний 3.150.000 төгрөгийг буруу данс руу шилжүүлсэн байна. Харин андуурагдсан гүйлгээний улмаас огт танихгүй хүний данс руу мөнгө орсон байгаа юм. Андуурагдсан гүйлгээний улмаас гэмгүй залуугийн интернэт банкны код солигдож, дансанд нь гэнэт л 3.1сая төгрөг орсон бөгөөд тухайн үед хамт хоолонд орж байсан таван залуу тус бүр 600 000 төгрөгөөр бүгд хувааж авчээ. Андуурагдсан гүйлгээг буцаагаагүйгээс ийнхүү өнөөдөр Эрүүгийн хуулийн тусгай ангийн 17.5 дугаар зүйлийн 1 дэх хэсэгт зааснаар тус бүр 450 нэгжтэй тэнцэх хэмжээний буюу 450.000 төгрөгөөр торгох ялаар шийтгүүлсэн байна.