ХЯТАД УЛС ЦАХИМ МӨНГӨНИЙ ЗАХ ЗЭЭЛД ХЯЗГААРЛАЛТ ХИЙЖ ЭХЭЛЛЭЭ

Хятадын томоохон санхүүгийн зохицуулагчид хурдацтай хөгжиж буй цахим мөнгөний салбар дахь санхүүгийн эрсдлээс хамгаалахын тулд орон нутгийн удирдлагуудад Биткойны олборлогчдыг аажим аажмаар багасгах, улмаар татан буулгахад хүртэлх ажилд дэмжлэг үзүүлэхээ мэдэгдлээ.

БНХАУ-ын Ардын банкны нэрээ хэлэхээс татгалзсан ахлах албан тушаалтан China Daliy сониноор дамжуулан орон нутгийн удирдлагуудад биткойн олборлогч компаниудыг бизнесээс гаргахыг санал болгосон утгатай мессэж өглөө.

Бидний мэдэж байгаачлан 2016 оны дөрөвдүгээр сард Төрийн зөвлөлөөс Төв банкнаас удирдагчаар дамжуулан Интернэтийн санхүүгийн эрсдлийг зохицуулах Тогтвортой Байдлын Удирдах багийг байгуулсан. Энэ тусгай баг тус улсын цахим мөнгөний бизнесийг зохицуулдаг. Тус багаас санхүүгийн эрсдлийг зохицуулах талаар мэдэгдэл гаргасан.

Хэд хэдэн биткойн олборлогч компаниуд орон нутгийн засаг захиргаанаас цахилгааны хэрэглээг нь хязгаарлах мэдэгдлээ хүлээн авсан ба цахилгаа эрчим хүч, газрын түрээс харьцангуй хямд гэдгээр нь Монгол улс руу ч нүүгээд эхэлжээ.

Энэ үйл ажиллагааны дараагийн алхам нь цахим мөнгөний зах зээлийг хангах хангах "мэргэшсэн" компаниудад лицензийг олгох юм байна.

Австралийн Блок чэйн компанийн CEO Сэм Лий Хятадын засгийн газрын энэ зохицуулалтыг зөв шийдвэр хэмээн үзэж, блокчэйнтэй холбоотой санхүүгийн зах зээл дэх хөөсийг арилгаж, үйлдвэрийн цэвэр орчинг бүрдүүлж чадна гэсэн хүлээлттэй байгаагаа илэрхийлжээ.