ХЯТАДЫН ЭДИЙН ЗАСГИЙН ӨСӨЛТ ХӨРӨНГӨ ОРУУЛАЛТ БОЛОН ХЭРЭГЛЭЭНЭЭС ХАМААРЧ ТОГТВОРТОЙ ӨСНӨ

2018 онд Хятадын эдийн засгийн єсєлтийг жолоодох хоёр гол хөдөлгүүр нь нэг талаас хөрөнгө оруулалт, нөгөө талаас хэрэглээ байх болно.

Үйлдвэрлэлийн болон үндсэн салбарууд, үндсэн хөрөнгийн хөрөнгө оруулалт(FAI) 6.5 хувиар өсөх төлөвтэй байгаа бол хүн амын орлогыг дагасан хэрэглээний өсөлт 10 хувьд хүрэх төлөвтэй гэжээ.

Эдийн засаг судлаачид үндсэн хөрөнгө оруулалт тогтмол өснө гэж тооцоолж байна.

Хятадын Нийгэм Судлалын академи (CASS) энэ үзүүлэлтийг 69,2 юань буюу 10,67 триллион ам.долларт хүрч жилийн өсөлт 6,3 хувьд хүрнэ гэв. Харилцааны банкны Санхүүгийн институт(Finance Institute of the Bank of Communications), Хятадын Ардын Их Сургуулийн Эдийн засгийн тэнхимээс дээрх бүх прогнозуудын тоон үзүүлэлтээс хавь илүү буюу үндсэн хөрөнгө оруулалтын жилийн өсөлт 7,2 хувь байна гэж байна.

Хөрөнгө оруулалт үйлдвэрлэлд илүү их нэмүү өртөг бүтээхэд зориулагдах төлөвтэй байна. Хувийн хөрөнгө оруулалтын өсөлт нийлүүлэлтийн тал дээрхи бүтцийн тасралтгүй шинэчлэл, бодлогын дэмжлэгээс хамаарч мөн өсөх аж.

Хөрөнгө оруулалтын өсөлтийн хамгийн том салбар болох үйлдвэрлэлийн салбарыг

эрсдэлээс хамгаалахын тулд төв засгийн газар дэд бүтцийн хөрөнгө оруулалтанд хяналт тавьж, үл хөдлөх хөрөнгийн салбарын хатуузохицуулалт хэвээр үргэлжилнэ.

Ихэнх институтууд 2018 оны хэрэглээ өсөлтийн хүчтэй хөдөлгүүр хэвээр байх болно гэдэгт итгэж байна.

Орлогын өсөлт, хэрэглээний шинэчлэлт, тэтгэврийн шинэчлэлт нь хэдийгээр автомашин, орон сууцанд зарцуулагдах нь удааширч байгаа ч энэ жилийн хувьд нэмэгдэх жил байх болно гэж Харилцаа Холбооны Банкын Санхүүгийн Институтын тайланд дурджээ.

Хятад улс онлайн худалдааны оргилд хүрч байна гэхэд болно. Одоогоор хүнс, хувцас, өдөр тутмын хэрэгцээг хангах цөм болоод байгаа онлайн худалдааны зах зээл улам өргөжнө. Үүний тулд алслагдсан хот, тосгодын онлайн хэрэглээг нэмэгдүүлэх алхамууд хийгдэнэ.

Дундаж давхарга, алслагдсан газрын иргэдийн дунд ч өндөр чанартай бүтээгдэхүүн, боловсрол, аялал жуулчлал, эрүүл мэндийн болон ахмад настны асрамжийн үйлчилгээний хэрэглээ өсөх хандлагатай байгаа учраас энэ төрлийн бизнест ирээдүй харагдаж байна.

Сануулахад, Хятадын ДНБ 2017 оны эхний гурван улиралд 59.33 их наяд юаньд хүрсэн нь өнгөрсөн оны мөн үеийнхээс 6.9 хувиар өссөн үзүүлэлт юм. Өнгөрсөн хугацаанд хэрэглээ нь эдийн засгийн өсөлт 64.5 хувь болж, жилийн 2.8 нэгж хувиар өссөн билээ.