АМЕРИКТ 100 ЖИЛ ТОХИОЛДООГҮЙ ХҮЙТЭН ӨВӨЛ БОЛЖ БАЙНА

АНУ-ын алслагдсан бүс нутгуудад агаарын температур дунджаас 15-20 градусаар хүйтэн байгаа нь ойрын 100 жилд тохиогоогүй үзэгдэл гэж цаг уурчид мэдээлэв. Тухайлбал, Айова мужийн Эвансдэйл хотод -29 градус хүрч хүйтэрсний улмаас дулааны эх үүсвэрийн хүчин чадлыг нэмэгдүүлэх шаардлага тулгарчээ. Мөн Техас, Монтанад агаарын температур ердийнхөөс огцом хүйтрэхийг сануулсан байна.

Цаг уурчид энэ онд манай гариг уур амьсгалын шинэ үе шатанд шилжиж байгаа хэмээн анхааруулж байсан юм. Өөрөөр хэлбэл, нарны идэвхжил буурч, түүхэнд дээгүүрт орох хүйтэн өвөл үргэлжлэх ажээ. Иймд дэлхийн зарим улс иргэддээ дулаан хувцас, зузаан хөнжлөө хямд байгаа дээр нь эртхэн бэлдэхийг сануулж буй.