ЦАГААН ХООЛОНД МАХ НЭМЖ ХИЙСЭН ТОГООЧ АЮУЛД ОРОВ

Их Британийн нэгэн рестораны эзэн, ахлах тогооч Лаура Гудман олон нийтийн зүгээс хүчтэй шүүмжлэлд өртжээ. Учир нь тэрээр цагаан хоол захиалсан үйлчлүүлэгчдийн зоогонд мах хольж хийдэг байсан тухайгаа Фэйсбүүк хуудсандаа тоглоом болгож бичсэн байна. Гэтэл түүнийг зарим интернэт хэрэглэгч хөнөөнө хэмээн заналхийлж, Хүнсний аюулгүй байдлын хорооноос хууль зөрчсөн хэмээн буруушааж, шалгалт хийжээ. Лаура олон нийтийн гомдол, шүүмжлэлд дарагдсан тул рестораныхаа Фэйсбүүк хуудсыг устгаж, уучлалт гуйсан байна. Энэ явдлын дараа үйлчлүүлэгчдэд хүнсний бүтээгдэхүүн худалдан авахдаа сонор сэрэмжтэй байж, сэжигтэй зүйл гарвал холбогдох мэргэжлийн байгууллагад хандахыг сануулжээ.