ТЭРГЭНЦЭРТЭЙ ТАМИРЧИН УУЛАНД АВИРСАН НЬ

Хятадын иргэн Лай Чи Вай Азийн хаданд авиралтын тэмцээний дөрвөн удаагийн аварга тамирчин юм. Тэрээр 2011 онд мотоциклийн осолд орж, бүсэлхийнээсээ доош мэдээгүй болжээ. Гэсэн ч тэр огтхон ч бууж өгөхгүйгээр спортоор тууштай хичээллэж байна. Лай Чи Вай Хонконгийн бэлгэ тэмдэг болсон 495 метр өндөртэй Арслангийн хаданд тэргэнцэртэй авирч чадсан анхны паралимпийн тамирчин болжээ. Тэрээр найдвартай багаж хэрэгсэл, олсны тусламжтайгаар 4 цаг мацаж байж оргилд гарч чадсандаа тун баяртай байна. Энэхүү эгц хадан ууланд тэргэнцэртэй хүн бүү хэл олон жил хичээллэсэн туршлага, эрүүл тамирчин аврихад хэцүү байдаг ажээ. Спорт сонирхогчид түүнийг "Тэсвэр тэвчээрийн дээд, үл шантрах чанарыг гайхамшигтайгаар харууллаа" хэмээн сайшаасан байна.