ҮЗЭСГЭЛЭНТ НИАГАРЫН ХҮРХРЭЭ ХӨЛДӨВ

Ниагарын хүрхрээ нь Канадын Онтарио муж, Америкийн Нью-Йорк мужийг тусгаарлах хилийн зааг бөгөөд Торонтогоос баруун урагш 120 км, Баффалогоос зүүн хойш 27 км-т оршдог ажээ. Энэ хүрхрээ нь баялаг усны нөөц болон үзэсгэлэнт тогтцоороо алдартай. Цаг уурчдын мэдээлж буйгаар өнгөрсөн сард энэ бүс нутагт түүхэнд байгаагүйгээр хүйтэрч, Цельсийн -26 градуст хүрсэн байна. Хүйтэнд Ниагарын хүрхрээ тэс хөлдөж, жуулчдын сэтгэлийг баясгах байгалийн үзэсгэлэнт тогтоц бүрджээ.

Ниагарын хүрхрээнээс секунд тутамд 3100 тонн ус доошоо урсдаг байна. Ийм өндөр хурдтайгаар урсаж буй ус хөлдсөн нь гаднах температур маш хүйтэн байгааг харуулав. Өмнө нь хүрхрээний ус бага багаар мөстсөн ч урсгалдаа дарагдаад алга болдог байсан бөгөөд бүрмөсөн хөлдсөн нь анхны тохиолдол юм.