ГЕРМАНД ФЭЙСБҮҮК ХЭРЭГЛЭЭГ ХУУЛЬЧЛАВ

Германд Фэйсбүүк, Twitter, YouTube зэрэг нийгмийн сүлжээнд бусдыг үзэн ядаж, гүтгэн доромжилсон хуурамч, ёс бус мэдээлэл цацсан хуулийн этгээдэд хариуцлага тооцохоор болжээ. Хуульд зааснаар хоёр саяас дээш хэрэглэгчтэй нийгмийн сүлжээ, мэдээллийн сайтууд энэ хязгаарлалтад багтах ажээ. Хэрэв эдгээр мэдээллийн эх сурвалжууд хууль бус постоо 24 цагийн дотор устгахгүй бол 50 сая еврогоор торгох юм.

Энэ хуулийг хэрэгжүүлэхийн тулд Берлинд 700 гаруй мэргэжилтнээр нийгмийн сүлжээн дэх контентийг хянуулахаар болжээ. Үүнтэй холбоотойгоор Фэйсбүүк компани хуурамч мэдээллийг шүүдэг програм боловсруулж, түүнийгээ Германы эрх баригчдад танилцуулсан байна. Харин "Twitter" компаниодоогоор ямар нэгэн мэдэгдэл хийгээгүй байгаа ажээ.

Судалгаагаар "Twitter" компани хэрэглэгчдийн оруулж буй хууль бус контентийн зөвхөн 1 хувийг, Фэйсбүүк 39 хувийг устгадаг гэсэн мэдээлэл бий. Орчин үед нийгмийн сүлжээ нь хүмүүсийн үндсэн хэрэглээ болсон хэдий ч хуурамч мэдээллийг дагаад олон сөрөг үр дагавар гарч байна.