КОНГО УЛСЫН ЗАМЫН ХӨДӨЛГӨӨНИЙГ РОБОТ ЗОХИЦУУЛДАГ

Бүгд найрамдах ардчилсан Конго улсын нийслэл Киншасад Африкийн бусад орнуудын адил замын хөдөлгөөний аюулгүй байдал, түгжрэлийн асуудал хурцаар тавигдаж байна. Конго нь Африкийн хамгийн ядуу орнуудын нэг боловч зам, тээврийн салбартаа онцгой анхаардаг ажээ. Тиймээс дотоодын инженерүүдийн зохион бүтээсэн роботоор замын цагдаагийн ажлыг хөнгөвчилж байна. 2,4 метр өндөртэй уг робот дотор нууц камер суурилуулж, бичлэг хийдэг ажээ. Ингэснээр робот цагдаа нар дүрмээ баримталж зорчихыг жолооч нарт сануулна. Мөн роботын гарт орчин үеийн технологиор хийсэн гэрлэн дохио суулгасан бөгөөд түүгээрээ замын хөдөлгөөнийг удирддаг байна.Хэрэв жолооч нар робот замын цагдаатай хүндэтгэлтэй харьцахгүй бол төр засгаас торгууль ногдуулдаг гэнэ. Энэхүү технологийн шилдэг бүтээгдэхүүнийг нэвтрүүлснээс хойш зам тээврийн осол буурч байгаа ажээ.