НАСААРАА ҮЕРХСЭН НАЙЗУУД ТӨРСӨН АХ, ДҮҮ БАЙСНАА МЭДЖЭЭ

Хавайн оршин суугчид болох Алан Робинсон, Уолтер Макфарлен нар дунд сургуульд хөлбөмбөг тоглож танилцсанаас хойш 60 гаруй жил үерхэж нөхөрлөжээ. Макфарлен төрсөн эцгээ мэдэхгүй өссөн бол Робинсон багадаа айлд үрчлүүлсэн тул өвөг дээдсээ мэдэх зорилгоор ДНК-ийн шинжилгээ өгсөн байна. Гэтэл санамсаргүй явдал тохиож, нэг ээжээс төрсөн ах дүү хоёр гэдгээ олж мэджээ. Сонирхолтой нь тэд насан туршдаа найзалж, нөхөрлөхдөө хүүхдүүдээ нэг сургуульд суралцуулж, байнга гэр бүлээрээ хамтамардаг байжээ. Одоо тэд нэг өдөр тэтгэвэртээ гарч, төрсөн эцгээ олохоор шийдсэн гэнэ. Макфарленыг хоёр настай байхад дүү Робинсон нь Хонолулуд мэндэлсэн бөгөөд удалгүй айлд үрчлүүлсэн байна.