ЗҮРХЭЭ ҮҮРГЭВЧИНД АВЧ ЯВДАГ БҮСГҮЙ

Зургаан цаг үргэлжилсэн хагалгааны дараа 39 настай Силва Хуссейн бүсгүйн амьдрал эрс өөрчлөгдөж, хиймэл зүрхээ байнга үүргэвчиндээ авч явах болжээ. Тэрээр хиймэл зүрхээр амьдарч буй Их Британийн хоёр дахь иргэн юм. Үүргэвчинд батарейгаар ажилладаг шахуурга, цахилгаан мотор,хуванцар гуурсбайх бөгөөд эдгээр нь Силваг агаараар тэтгэж, цусны эргэлтийг дамжуулж байдаг. Хоёр хүүхдийн ээж Силва бүсгүй зүрхний архаг дутагдалд орж, Лондон хотын Харефилд эмнэлэгт хүргэгджээ. Түүний амийг аврахын тулд ар гэрийнхэн нь АНУ-д116 мянган долларын өртөг бүхий хиймэл зүрх шилжүүлэн суулгах хагалгааг хийлгэсэн байна. Одоо тэрээр хиймэл зүрхнийхээ ачаар үхлээс мултарч, гэр бүлтэйгээ шинэ жилийн баяраа аз жаргалтай тэмдэглэв. Эрдэмтэд 2001 онд бие даасан ажиллагаатай, хиймэл зүрхийг анх удаа шилжүүлэн суулгаж байжээ. Түүнээс хойш дэлхий даяар 66 эмнэлэгт 900 гаруй өвчтөнд энэ хагалгааг хийсэн гэсэн баримт бий.