ХОРТ ХАВДАРТАЙ БҮСГҮЙН СҮҮЛЧИЙН ЗАХИДАЛ

Их Британийн иргэн, 23 настай Кирстен Хауксси шинэ жилийн баярын өдөр хорвоог орхисон юм. Цэл залуухан бүсгүй цусны хорт хавдраар оношлогдсоноос хойш ганцхан сарын дотор хорвоог орхисон ч 15 сартай бяцхан охиныхоо төлөө амьд үлдэх гэж эцсээ хүртэл тэмцэж байжээ. Тэрээр Фэйсбүүк хуудсандаа "Мягмар гаригт би цусны хорт хавдраар оношлогдож, химийн эмчилгээ хийлгэж эхэллээ. .. Та нар маань анхаарал болгоомжтой байж, намайг өрөвдөж уйлах хэрэггүй шүү. Ямар ч шинж тэмдэг илэрсэн тоолгүй орхиж болохгүй юм байна шүү! Би хэзээ ч эмчид үзүүлж байгаагүй. Тэгэхээр бурхан энэ учир нь үл ойлгогдох шаналлыг надаар дамжуулж бусад хүмүүст ойлгуулахыг хүссэн байх. Сүүлийн долоо хоногт миний төлөө бүхнээ зориулсан гэр бүл, найз нөхөд, ангийнхандаа чин сэтгэлээсээ талархлаа илэрхийлье. Тэднийхээ ачаар би өөрийгөө азгүй биш азтай хүн гэдгээ мэдэрч байна. Зүгээр л та бүхэнд баярлалаа гэж хэлэхийг хүслээ" хэмээн бичиж үлдээжээ.