ХОРТ ХАВДРААР ӨВЧЛҮҮЛДЭГГҮЙ ГАХАЙН МАХ ХУДАЛДААНД ГАРНА

Их Британийн супермаркет, дэлгүүрүүд "Naked Bacon" хэмээх шинэ гахайн мах худалдаанд гаргахаар төлөвлөж байна.Гахайн утсан мах нь хүмүүсийн эрүүл мэндэд сөргөөр нөлөөлж буй энэ үед эрдэмтэд азотлаг хүчлийн давсны оронд байгалийн гаралтай жимс, амт орлуулагч бүхий шинэ бүтээгдэхүүнийг амжилттай зохион бүтээжээ. Энэ ньфосфат,сахар, цавуулаггүй, ямар ч химийн нэмэлт бодисгүй гэдгээрээ давуу юм. Ирландын "Finnebrogue" пүүсийн үйлдвэрлэн гаргаж буй энэхүү махыг нь хүнсний технологид нэвтэрч буй дэвшил гэж эрдэмтэд үзэж байна. 2015 онд Дэлхийн эрүүл мэндийн байгууллагаас гахайн утсан мах, хиам, зайдас нь хорт хавдраар өвчлүүлэх эрсдэлээр тамхитай адил нөлөөтэй гэж дүгнэсэн юм. Махан хүнсний шууд нөлөөгөөр жилд 34000 хүн ходоод, гэдэсний хорт хавдраар өвчилдөг гэсэн тооцоолол бий.