ГРЕНЛАНДЫН МӨС ХАЙЛЖ, ҮЕР БОЛЖ БОЛЗОШГҮЙ

Гренландын арлын мөс улам хурдацтай хайлж, эргийн хотууд үерт автаж болзошгүйг НАСА-гийн эрдэмтэд сануулав. Одоогоор мөс хайлсны улмаас далайн усны түвшин 7 метрээр нэмэгдсэн бөгөөд байдал энэ хэвээр үргэлжилбэл хэдэн зуун жилийн дараа Гренландыг бүрхэж буй мөсөн хавтан бүрмөсөн хайлах ажээ. Мөс хайлсаар байгаад арал дээр олон мянган аварга том нүхнүүд үүсэж, ус нь далайд шингэж байна.

Мэргэжилтнүүдийн санааг зовоож буй өөр нэг зүйл нь Гренландын мөс ийнхүү огцом хайлснаас болж тус арал үндсэн массаараа нэгдмэл, цул байдлаа алдаж байгаа явдал гэнэ. Хэрвээ энэ үйл явц удаан үргэлжилбэл цаашдаа зөвхөн Номхон далай төдийгүй Атлантын далай, цаашлаад Энэтхэгийн далайн усны түвшин ч нэмэгдэх магадлалтай юм байна.

"Мөс хайлах уг үзэгдлийг зогсоож болохгүй юу" гэсэн сэтгүүлчийн асуултад эрдэмтэд "Ямар ч арга байхгүй. Өнөөгийн шинжлэх ухаанд ийм боломж байхгүй" гэсэн хариултыг өгчээ.

Хойд туйлын температур нэмэгдэж, дэлхийн дулаарал хоёр дахин хурдацтай явагдаж байгаа нь Гренландын мөс хайлах үндсэн шалтгаан юм. Энэ зун зүүн Европыг хамарсан ган гачиг, Карибын тэнгист нүүрлэсэн хар салхи нь дэлхийн дулаарал аюултай түвшинд хүрсэнийг гэрчилнэ.

Эх сурвалж: CNN