ШРИ ЛАНКЧУУД АЛГА БОЛСОН АР ГЭРИЙНХНЭЭ НЭХСЭЭР БАЙНА

Шри Ланк улсад 1972-2009 оны хооронд 26 жил үргэлжилсэн иргэний дайны уршгаар 100 гаруй мянган хүн амиа алдаж, 800 мянган хүнийг нүүлгэн шилжүүлж,олон хүн сураггүй алга болжээ. 48 настай Перинпарани гэдэг эмэгтэй дайны бүсээс алга болсон хүүгээ бүтэн зургаан жил хүлээж байна. Тэрээр Шри Ланкын Тамил Илама бүлэглэл болон Засгийн газар хоорондын иргэний дайны сүүлийн жилүүдэд ор сураггүй алга болсон хэдэн мянган хохирогчийн ар гэрийнхний нэг юм. Перинпаранийн хүүг 2008 онд мотоцикл унасан цэрэг хувцастай найман залуу авч явсанаас хойш гэртээ эргэж ирээгүй байна. Хүүгээ дүрвэгсдийн хуаранд хайгаад ч олж чадаагүй эх шаналалд автсаар байгаа ажээ.

Эдгээр хохирогчид Засгийн газар алга болсон хүмүүсийг хангалттай эрэн сурвалжлахгүй байна хэмээн буруутгажээ. Уг нь 2015 онд НҮБ-аас тус улсын эрх баригчдыг дайны гэмт хэрэгт буруутган, мөрдөн байцаалт явуулахыг шаардаж байсан юм.

Тамилын барс гэж нэрлэгддэг угсаатнууд өөрсдийг нь эрх баригчид хэдэн арван жилийн турш ялгаварлан гадуурхаж байна хэмээн буруутгасны улмаас иргэний дайн эхэлжээ. Эцэст нь Тамилын бослогыг цэргийн хүчээр дарж, дайн дууссан юм.