НАС БАРЖ, ЧАНДАРЛУУЛСАН ХҮН 7 САРЫН ДАРАА ГЭРТЭЭ ИРЖЭЭ

Тайландын иргэн 44 настай Сакорн Сачива сүүлийн хоёр жил гэр бүлээсээ хол, загас агнуурын завин дээр ажилладаг байжээ. Энэ хугацаанд гэрийнхэнтэйгээ нэг ч удаа холбоо барилгүй гэнэт гэртээ орж ирсэн гэнэ. Гэтэл гэрийнхэн нь түүнийг 7 сарын өмнө нас барсан гэж бодоод чандарласан тул буг, чөтгөр харсан мэт гайхаж, цочирдсон байна. Ингээд хэргийн учрыг тайлахаар цагдаад мэдэгджээ.

Түүний ажиллаж байсан газар 7 сарын өмнө гэдэсний халдвараар нэгэн хүн нас барж, цагдаа нар ар гэрийнхнийг нь дуудаж, цогцос таниулах ажиллагаа явуулсан байна. Цагдаа нар энэ хүнийг Сакорн Сачиватай андуурсан бөгөөд хавдаж, хөөсөн цогцос хэн болох нь танихад хэцүү байсан учир ар гэрийнхэн нь хүртэл будлиж орхижээ. Энэ үеэр үеэл нь цогцосны үүдэн хоёр шүд нь бүтэн байхыг хараад Сакорн биш гэж үзсэн ч бусад нь бүгд хүлээн зөвшөөрч, шашны ёсоор гэртээ гурван хоног хадгалж байгаад чандарлаж, нас барсны гэрчилгээ авсан ажээ. Энэ хооронд жинхэнэ Сакорн амьд байсан юм. Одоо цагдаа нар цогцос хэнийх байсныг илрүүлэхээр чандрыг шинжилж байна.

Үүнээс өмнө Энэтхэгт 82 настай хүн 40 жилийн дараа гэр бүлдээ эргэн ирсэн тохиолдол гарч байжээ.