ХЭЛГҮЙ БОЛЖ ЖҮЖИГЛЭСЭЭР БАЙГААД СҮҮЛДЭЭ ЯРИХ ЧАДВАРАА АЛДЖЭЭ

Хятадын иргэн Жэн овогт 2005 онд буюу 12 жилийн өмнө 500 юанийн маргаанаас болж хадам ахаа хөнөөсөн хэрэгт сэжиглэгдэж байна.Энэ хэрэг Жежиан мужийн Ханжоу хотод гарсан бөгөөд сэжигтнийгхадам ахаа хутгалан хөнөөгөөд цагдаа нарт баригдахаас айж гэрээсээ зугтсан гэж үзэж байгаа ажээ. Тэрээр хэргээ нуун дарагдуулахын тулд Ван Гуй хэмээх хуурамч нэрээр амьдарч, хэлгүй гуйлгачин болж жүжиглэж байжээ. Эцэст нь Ханжоу хотоос хойд зүгт 700 километрийн зайд орших бяцхан тосгонд суурьшиж, барилга дээр ажиллан хэлгүй хүн мэт жүжиглэж амьдарсан гэдэг. Хожим, эхнэр хүүхэдтэй болсон ч ганц ч үг цухуйлгаагүй байна.

Харамсалтай нь, 12 жилийн дараа цагдаа нар хэргийг дахин сөхөж, сэжигтнээс цусны дээж авч, ДНК-г нь таниулж, хэн болохыг нотолсон боловч байдал улам төвөгтэй болжээ. Учир нь Жен дуугаа хураасаар байгаад сүүлдээ ярих чадвараа алдсан гэдгийг тогтоосон байна. Жежиан мужийн өдөр тутмын сонинд бичсэнээр Жэн юу ч ярихгүй байсаар байгаад дууны хөвч нь ажиллагаагүй болжээ. Цагдаа нар түүнээс яагаад юу ч дуугараагүй эсэхийг нь асуухад "Юу ч ярихгүй байж л алдаа гаргахгүй" гэж бичсэн байна. Хэрэв түүний гэм буруутай нь нотлогдвол цаазаар авах ял оноох юм.