ХҮҮХЭД ХУЛГАЙЛЖ, ХӨЛДӨӨСӨН ГЭХ МЭДЭЭЛЭЛ ХУДАЛ БАЙЖЭЭ

Интернэт орчинд Хятадууд хүүхэд хулгайлж, эрхтнүүдийг нь зарах зорилготойгоор цогцсыг нь хайрцганд хийж хөлдөөсөн гэх аймшигтай мэдээлэл цацагдсан билээ. Фэйсбүүкт 7500 гаруй удаа хуваалцсан энэхүү бичлэгт дүрслэгдсэнээр нэгэн эмэгтэй хүүгийнхээ цогцсыг хадгалсан хайрцган дотроос мөс гаргаж хаяж буй нь харагдана.

Үнэндээ энэ харамсалтай явдал нь хүүхэд хулгайлах гэмт хэрэгтэй ямар ч хамааралгүй бөгөөд хүү өнгөрсөн зун Гуандун мужид хамаатныхаа гэрт очоод живж нас баржээ. Хүүгийнхээ цогцсыг төрсөн гэрт нь хүргэхдээ халуунд муутгахгүйн тулд мөс хийж хадгалсан нь энэ ажээ. Интернэт хэрэглэгчид хүмүүсийн анхаарлыг татахын тулд бодит байдлыг мушгин гуйвуулж байна гэж Хятадын хэвлэлүүдэд мэдээлэв.