СУГАЛАА СУГАЛЖ ХҮҮХДЭЭ ЦЭЦЭРЛЭГТ ОРУУЛДАГ БАЙДЛЫГ ЗОГСООНО

БСШУС-ЫН Сайд Ц.Цогзолмаа 2018 оны төсвийг батлахдаа цэцэрлэг, сургуулиудын хөрөнгө оруулалтыг иж бүрэн шийдсэн гэдгийг мэдэгдлээ. 2018 оны есдүгээр сарын нэгэн гэхэд сугалаа сугалж, танил талаараа яриулж цэцэрлэгт хүүхдээ бүртгүүлдэг асуудал нэг мөр шийдэгдэнэ гэж тэрбээр хэлсэн.

Сургуулийн өмнөх боловсролын үйлчилгээний хүртээмжийг нэмэгдүүлэх зорилгоор цэцэрлэгийн зориулалтаар үйл ажиллагаа явуулах боломжтой барилгыг иргэн, хуулийн этгээдээс худалдан авах, түрээслэх талаар судалгаа хийж, дүгнэлт гаргах ажлын хэсгийг БСШУС-ын сайдын тушаалаар байгуулсан. Ажлын хэсгийнхэн дээрх зориулалтаар үйл ажиллагаа явуулах боломжтой баригдсан 10 барилгатай танилцаж, худалдан авах боломжтой гурван барилгыг тодруулжээ.