ГЕНИЙН ӨӨРЧЛӨЛТТЭЙ, ЯГААН ХАН БОРГОЦОЙ ХУДАЛДААНД ГАРНА

Дэлхийн жимс, ногооны томоохон үйлдвэрлэгчдийн нэг "Del Monte" компани арав гаруй жил судалгаа явуулсны эцэст генийн өөрчлөлттэй, ягаан ханборгоцойг АНУ-ын зах зээлд борлуулах эрхээ авчээ. Бүтээгдэхүүн удахгүй худалдаанд гарах юм байна.

Тус компанийн эрдэмтэд ердийн хан боргоцойнд агуулагдах ферментийн хэмжээг багасгаж, шар өнгийн будагч бодисыг ягаан болгон хувиргажээ. Өөрөөр хэлбэл, ягаан өнгийн сортыг гаргаж авахын тулд энгийн хан боргоцойг эрлийзжүүлэн, улаан лоолийн өнгө бүхий ликопин гэх пигментийг нэмсэн гэсэн үг юм. Ликопин нь лоолийг улаан, тарвасыг ягаан байлгадаг будагч бодис ажээ.

Ягаан өнгийн хан боргоцой нь ердийнхөөс илүү чихэрлэг амттай бөгөөд хүний биед сөрөг нөлөөгүй гэдгийг эрдэмтэд баталжээ. Энэхүү жимсийг зөвхөн Коста Рика, Хавай дахь үржил шимтэй тариалангийн талбайд ургуулдаг байна.