ХЯТАД ЭРЧҮҮД ЭХНЭР АВАХ ГЭЖ ТЭМЦЭЛДЭЖ БАЙНА

Гуч гаруй жил нэг хүүхдийн бодлого хэрэгжүүлсний гайгаар Хятадын нийгэмд хүйсийн тэгш бус байдал бий болсон юм. Жил бүр Хятадад 18 сая эрэгтэй хүүхэд мэндэлдэг бөгөөд 2020 он гэхэд 30 сая эрэгтэй илүүдэж, гэрлэх хүнгүй болно гэсэн тооцоог гаргасан байдаг. Ганц бие эрчүүд олноороо бий болж байгаа учир 25 нас хүрэхээсээ өмнө гэрлэхгүй бол эхнэр олох магадлал тун бага болно гэдгийг Хятадын судлаачид сануулах болжээ.

Тиймээс хятад залуусын хувьд эхнэр, найз бүсгүйтэй болох нь хүнд сорилт ажээ. 2015 онд 40 гаруй насны бизнесмэн эр Шанхайн танилцуулах агентлагийг эхнэр олж өгөөгүй хэмээн шүүхэд өгчээ. Агентлаг ч эхнэр олох гээд чадаагүй тул буруугаа хүлээж, 7 сая юань буюу 1 сая долларын нөхөн олговор өгсөн байдаг.

Мөн Гуанжоу мужид оршин суудаг, програмист мэргэжилтэй залуу 99 ширхэг Iphone гар утсаар найз бүсгүйдээ гэрлэх санал тавьсан ч татгалзсан хариу авсан юм. Учир нь хятад охид, бүсгүйчүүд нөхөр болох хүндээ өндөр шаардлага тавьдаг байна. Хадмууд нь мөн адил санхүүгийн эх үүсвэртэй, гэр бүлээ авч явах чадвартай гэдгээ нотлохыг шаарддаг тул залуус нийгэмд байр сууриа олох гэж ихэд хичээх болжээ.

Энэ асуудлыг дагаад ганц бие эрчүүдэд туслах үйлчилгээ олноор нэвтэрч эхэллээ. Тэнд мэргэжлийн сэтгэл зүйч, стилистүүд ажиллаж эрчүүдэд зөвлөгөө, мэдээлэл өгдөг байна. Мөн "Hire Me Plz" хэмээх гар утасны аппликейшн ашиглан эцэг, эхдээ танилцуулах хуурамч найз охин түрээсэлж болох ажээ. Эндээс найз охин түрээслэхэд өдрийн 1450 доллар төлнө.

Эцэг нь хүүдээ эхнэр олох гэж Шанхайн танилцуулах албанд мэдээллийг нь илгээжээ

Болзох үйлчилгээ

Эх сурвалж: BBC