ХЯТАД-ТАЙЛАНДЫГ ХОЛБОСОН ӨНДӨР ХУРДНЫ ТӨМӨР ЗАМ ТАВИНА

Хятад-Тайландыг холбосон 253 км өндөр хурдны төмөр зам тавихаар хоёр орны эрх баригчид гэрээнд гарын үсэг зурсан талаар Синьхуа агентлаг мэдээлэв. Уг төмөр зам ашиглалтад орсноор Бангкок хүрэх хугацааг 5-6 цагаар багасгах бөгөөд ердөө 1 цаг 30 минутын дотор туулна гэсэн үг юм. Энэхүү хил дамнасан бүтээн байгуулалт нь Хятадын өмнө зүгийн Юнань муж, Лаостай холбогдох ажээ. Мөн Малайз, Сингапурын өмнөд хэсгээр дайран өнгөрснөөр бүс нутгийн харилцаа холбоог сайжруулахаас гадна ирээдүйд эдийн засаг, аж үйлдвэр, ложистикийн томоохон гүүр болох эхлэл тавигдаж байгаа гэнэ.

Үүнээс өмнө Хятадын эрх баригчид Москва-Бээжинг холбосон 7000 гаруй км урт төмөр замыг таван жилийн хугацаанд барьж босгох шийдвэр гаргасан юм. Эдгээр бүтээн байгуулалтуудыг хийснээр Хятад улс бүс нутгийг холбосон томоохон сүлжээ бий болгож буй ажээ. Одоогоор Хятад дэлхийд хурдны галт тэрэгний төмөр замын сүлжээгээрээ тэргүүлж байна.