ӨВЧТЭЙ ХҮҮХДҮҮДИЙГ ХОЙД ТУЙЛ РУУ АЯЛУУЛНА

Цас мөсний орноор аялж, цана чаргаар гулгаж, өвлийн өвгөнтэй уулзах нь хүүхэд бүрийн мөрөөдөл билээ. Тэгвэл АНУ-ын "United Airlines" компани хүнд өвчтэй 60 хүүхдийг сонгож, Хойд туйлаар аялуулахаар болжээ. Хойд туйлд очсон хүүхдүүд тедди баавгай, эльф, Санта Клаустай хамт дуулж, бүжиглэн чихэр, амтат зуушаар дайлуулах юм. Мөн тэднийг сонирхолтой тоглоом, зугаатай арга хэмжээ хүлээж буй ажээ.

"Бид уг нь 77 хүүхдэд санал тавьсан. Гэвч заримынх нь биеийн байдлаас болоод эмч нар зөвшөөрөл өгөөгүй. Энэ бол амьдралд ганц удаа тохиох сайхан боломж" хэмээн тус компанийн төлөөлөгч ярьсан байна.

Энэхүү сайн үйлсийн аянг хоёр жилийн өмнө "United Airlines" компанийн ажилтан Терренси Бьюр санаачлан ясны хорт хавдартай охиноо аялуулж байсан юм.