Н.УЧРАЛ : ХӨГЖЛИЙН БЭРХШЭЭЛТЭЙ ХҮҮХДИЙГ ДЭМЖИХ ТАЛ ДЭЭР АНХААРЧ АЖИЛЛАНА

Улсын их хурлын гишүүн н.Учралын санаачлагаар Сонгино хайрхан дүүргийн 19 дүгээр хороонд хөгжлийн бэрхшээлтэй хүүхдийг сургах, сэргээн засах эмчилгээ хийх Тэмүүжингийн андууд цэцэрлэгийг байгуулсан. Тэгвэл тус цэцэрлэгт өнөөдөр шинэ жилийн үйл ажиллагаа зохион байгууллаа. Улаанбаатар хотын хэмжээнд яг ийм чиглэлээр үйл ажиллагаа явуулдаг ганцхан цэцэрлэг өмнө нь байсан. БЗД дүүрэгт хүүхдийн 10-р төв л ажиллаж байсан бол СХД-ээс сонгогдсон УИХ-ын гишүүн Н.Учралын санаачлага хөрөнгө оруулалтаар Тэмүүжингийн андууд тусгай хэрэгцээт цэцэрлэг өнгөрсөн 10-р сард ашиглалтад ороод байгаа юм. Өнөөдөр тус цэцэрлэгт хөгжлийн бэрхшээлтэй тэр дундаа тархины саажилт, аутизм дауны синдромтой 56 хүүхэд хүмүүжлийн болон сэргээн засах эмчилгээний үйлчилгээ авч байна. Хүүхдүүдэд сургуулийн өмнөх боловсрол олгохоос гадна яг тусгай хэрэгцээ шаардлагтай эдгээр хүүхдүүдэд зориулсан эмчилгээний тасаг, тоног төхөөрөмжөөр хангасан байгаа юм. Өнөөдөр хүмүүжиж байгаа хүүхдүүд тэдгээрийн эцэг эхчүүдийг хамруулан шинэ жилийн баярын үйл ажиллагаа зохион байгууллаа.