ФЭЙСБҮҮК ХЭРЭГЛЭГЧДИЙГ ТАНИХ ТЕХНОЛОГИ БОЛОВСРОНГУЙ БОЛЖЭЭ

Дэлхийн хамгийн том нийгмийн сүлжээ болох Фэйсбүүк компани хэрэглэгчдийн нүүр царайг таних технологио боловсронгуй болгожээ. Ингэснээр хэрэглэгчид Фэйсбүүкт олуулаа авахуулсан зургаа оруулахад түүн дээрх бүх хүмүүсийн нэр, хаяг гарч ирэх ажээ. Өмнө нь зөвхөн зургаа оруулсан хэрэглэгчид найзууд руугаа "tag" илгээж байж тухайн хүний хэн болох нь баталгааждаг байсан юм.

Харин одоо хэрэглэгчдийн нүүр царайг таньсны дараа Photo Review функцэд мэдэгдэл илгээх гэнэ. Энэ нь хэрэглэгчид өөрсдийнхөө зургийг "tag" илгээгээгүй байсан ч олох боломжтой гэсэн үг юм. Өөрөөр хэлбэл, таны зургийг хэн нэгэн нь зүй бусаар ашиглах гэвэл шууд илрүүлнэ. Энэ нь хэрэглэгчид төдийгүй Фэйсбүүк компанид ч ашигтай. Олон мэдэгдэл илгээх тусам хэрэглэгчид идэвхжиж, реклам сурталчилгаа нь өсөх хандлагатай гэж үздэг байна.

Гэхдээ тухайн шинэ үйлчилгээг нэвтрүүлснээр иргэний хувийн нууцаа хамгаалуулах эрхийг зөрчиж буй хэрэг гэж үзээд Европын холбоо, Канадад хоригложээ. Европын холбооны хуулиар хувь хүний мэдээллийг зөвхөн зөвшөөрөгдсөн тохиолдолд цуглуулах боломжтой ажээ.