УИХ-ЫН ГИШҮҮНИЙ ХАЛДАШГҮЙ БАЙДЛЫН АСУУДЛААРХ МАРГААНЫГ ХЭЛЭЛЦЭНЭ

Өнөөдөр болох үйл явдлуудыг тоймлон хүргэж байна.
09:00 цагт: "Охидын нөхөн үржихүйн эрүүл мэнд, бэлгийн болон нөхөн үржихүйн эрх" зөвлөлдөх уулзалт Бишрэлт зочид буудлын Рояал хурлын танхимд болно.
09:00 цагт: "ХООЛ ХҮНСЭЭР ДАМЖИХ ӨВЧНИЙ ҮЕИЙН ХАРИУ АРГА ХЭМЖЭЭ" сэдэвт уулзалт болно. Уулзалтад ХАБҮЗ, ЭМЯ, МХЕГ, ХХААХҮЯ, ОБЕГ, ХӨСҮТ, ЗӨСҮТ, НМХГ, НЭМГ, НҮБ-ын ХХААБ, ДЭМБ, ХАБҮЛЛ, УМЭАЦТЛ зэрэг 16 байгууллага оролцоно.
09:30 цагт: Цэцийн Их суудал хуралдана. Хуралдаанаар УИХ-ын гишүүн үйлдэл дээрээ нотлох баримттай баригдсанаас бусад тохиолдолд түүний бүрэн эрхийг түдгэлзүүлж болохгүй, халдашгүй байдалд нь халдаж болохгүй гэсэн хуулийн заалт Үндсэн хууль зөрчсөн эсэх маргааныг эцэслэн шийдвэрлэнэ.
10:00 цагт: Үндэсний Батлан Хамгаалахын Их Сургууль, Батлан хамгаалахын эрдэм шинжилгээний хүрээлэн хамтран "Үндэсний аюулгүй байдал ба уул уурхай" сэдэв эрдэм шинжилгээний хурлыг ҮБХИС дээр зохион байгуулна.
10:00 цагт: ОБЕГ, Мерси кор олон улсын байгууллагаас малчдын дунд хамтран хэрэгжүүлсэн төслийн хэрэгжилтийн байдал, төслийн үр дүнгийн талаар танилцуулж, түнш байгууллагуудын уулзалтыгсОБЕГ-т зохион байгуулна.
10:00 цагт: "ХОТ СУУРИН ГАЗРЫН ЛАНДШАФТЫН АРХИТЕКТУР 2017" сэдэвт бакалавр, магистрант оюутны шилдэг илтгэл шалгаруулах эрдэм шинжилгээний бага хурал болно.. ХаанаL ХААИС-ийн хичээлийн төв байрны "Эрдмийн зөвлөлийн өрөөнд".
11:00 цагт: "Зууны мэдээ" сонины Үндэсний мэдээллийн төвд Хөх Монгол бүлгэмээс МУ-ын Ерөнхийлөгч, Ерөнхий сайд, УИХ-ын дарга, ХЗДХ-ийн сайд нарт өргөж буй бичгээ танилцуулахаас гадна Хөх Монгол, Хамаг Монгол, Даяар Монгол бүлгэмийн цаашдын үйл ажиллагааны талаар мэдээлэл хийнэ.
11:00 цагт: Нийслэлийн шилдэг хүүхдүүд шалгарсаар байна. 2017 оны нийслэлийн шилдэг тамирчин, манлайлагч хүүхдүүдийг шалгаруулна. Хаана: Сүхбаатар дүүргийн Монгол 3 дугаар сургуулийн урлагийн танхимд.
12:00 цагт: НЦГ-ЫН 108 тоотод цагдаагийн байгууллагаас хүн худалдаалах гэмт хэргээс урьдчилан сэргийлэх чиглэлээр хийсэн ажил, арга хэмжээ болон ЦЕГ-ын аюулгүй байдлын хэлтсээс мэдээлэл хийнэ.
13:00 цагт: Монголын Хүний төлөө намаас ирэх нэгдүгээр сарын 12-14-ний өдрүүдэд улс төрийн намуудын нээлттэй хаалганы өдөрлөг зохион байгуулахтай холбоотой хэвлэлийн бага хурал зохион байгуулна. ХАЯГ: Сүхбаатар дүүрэг 10-р хороо 100 айл MNBC телевизийн байр LIVE CONFERENCE CENTER
15:00 цагт: Австралийн Засгийн газар, Австралийн Гадаад хэргийн яамны дэмжлэгтэйгээр Зориг сангаас хэрэгжүүлж буй Эмэгтэйчүүдийн манлайллын хөтөлбөрийн хүрээнд хэрэгжих "Хөгжмийн ертөнц" төсөл Баянзүрх дүүргийн 127-р сургууль дээр нээлтээ хийнэ.