КОБИ БРАЙНТИЙН 8/24 ГЭСЭН ХОЁР ДУГААРЫГ МӨНХЛӨВ

Дэлхийн бүх цаг үеийн түүхэн дэх хамгийн агуу тамирчдын нэг Коби Брайантын өмсч байсан 8, 24 дугаарыг мөнхлөх үйл ажиллагаа өнөөдөр Лос Анжелес хотод боллоо. Баг нь дугаарыг нь ийнхүү мөнхөлснөөр "Лос Анжелес лейкерс"-ий өөр нэг ч тоглогч дээрх дугаарыг өмсч талбайд гарахгүй гэсэн үг юм. К.Брайант 8 дугаарыг мөнхлүүлсэн анхны, 24 дугаарыг мөнхлүүлсэн НБА-гийн найм дахь тоглогч болсон байна.

1996 онд NBA-гийн драфтын №13-аар сонгогдож, дунд сургуулиас NCAA-г алгасан томчуудын лигт тоглосон анхны тоглогч болон түүхэнд үлдсэн тэрээр зодог тайлах сүүлчийн тоглолтдоо 60 оноо авч, үдэлтийн тоглолтдоо хамгийн өндөр оноо авсан сагсанбөмбөгч хэмээн лигийн түүхэнд үлдсэн билээ.
Сагсан бөмбөгийн спортын ноён оргил болсон NBA-д таван удаа түрүүлсэн, "Бүх оддын тоглолт"-д 18 удаа оролцож, дөрвөн удаа шилдэг тоглогчоор тодорсон, улирлын үнэ цэнэтэй тоглогчийн шагнал "MVP"-г нэг удаа гардсан, олимпийн хоёр удаагийн аварга зэрэг бардам амжилт түүнийх.

З.Гантулга