ӨМНӨД СОЛОНГОСЫН ДУУЧИН АМИА ХОРЛОЖЭЭ

Өмнөд солонгосын хөвгүүдийн "Shinee" хамтлагийн гоцлол дуучин 27 настай Ким Жон Хён Сөүл хотын эмнэлэгт нас барсан гэж Ройтерс агентлаг мэдээлэв. Түүнийг зочид буудалд ухаангүй байхад нь эгч олж, цагдаад анхны мэдүүлэг өгсөн байна. Ким дуучин эгчдээ "Намайг явуулаач. Ямар хэцүү амьдарч байсныг минь хүмүүст заавал хэлж ойлгуулаарай. Эцсийн удаа баяртай" гэсэн мессеж бичиж үлдээжээ. Мөн зочид буудлын өрөөнд байсан хайруулын тавган дотроос нүүрстөрөгчийн моноксидын найрлагатай хор олдсон байна. Энэ бүхнээс үндэслэн түүнийг амиа хорлосон байж болзошгүй гэж үзээд мөрдөн байцаалт явуулж байгаа ажээ.

"Shinee" нь Өмнөд Солонгосын K-Pop урлагийн нэртэй төлөөлөгч бөгөөд улсынхаа хамгийн алдартай хамтлагуудын нэгд тооцогддог. Ким Жон Хён нь Солонгос, Япон хэлээр дуулахаас гадна нь чадварлаг бүжиглэж, хувийн карьераа эхлүүлж байсан гэнэ.