ТЭНЭМЭЛ ЭР 585 ДОЛЛАРЫГ ЭЗЭНД НЬ ӨГӨХ ГЭЖ БОРООНД УДТАЛ ХҮЛЭЭВ

Их Британийн Гласго хотын тэнэмэл иргэн Жэймс Жон Макгаун өнөө цагт ховордсон сайхан сэтгэлтэй нэгэн ажээ. Тэрээр шүүхийн гадна явж байгаад цонх нь онгорхой, эзэнгүй машин байхыг анзаарчээ. Машин дотор цүнх байхыг хараад жолоочийн утасны дугаарыг олж залгая гэж бодон нээж үзтэл паспорт, 585 доллар гарч ирсэн байна. Ингээд эзнийг нь ирэхийг хүлээн бороонд хоёр цаг гаруй зогсжээ.

Даарч бээрсэн Жон шүүх рүү орж, жижүүрт учир байдлыг тайлбарлаад цагдаа дагуулан машин дээр очжээ. Удалгүй машины эзэн ч хүрч ирж, цүнх нь бүрэн байхыг хараад ихэд баярлав. Тэрээр өөрийн Фэйсбүүктээ "Жон бол жинхэнэ жентельмэн. Машинд минь 585 доллараас гадна их хэмжээний мөнгө байсан. Сайхан сэтгэлтэй хүн таараагүй бол балрах байлаа" гэжээ.