“COCA COLA” УНДААНД ДОНТОЖ, ӨӨРИЙГӨӨ ХЯНАЖ ЧАДАХАА БОЛЬЖЭЭ

Их Британийн иргэн 21 настай Шэйн Тренч өдөрт 40 гаруй лааз "кока кола" уудаг зуршилтай болжээ. Энэ хорт зуршлын улмаас Шэйн 205 кг жинтэй болтлоо таргалсан бөгөөд өдөрт 13 литр чихэрлэг ундаа ууж, өөрийгөө хордуулдаг гэсэн үг юм. Өөрөөр хэлбэл, 5250 калори буюу зөвшөөрөгдөх хэмжээнээс хэт давсан шингэн хэрэглэж байна.

Жингээ хасахгүй бол түүний амь насанд аюул учруулж болзошгүй хэмээн эмч нар анхааруулсан тул байнга гүйж, шатаар өгсөж уруудах зэргээр өөртөө анхаарч байгаа ч ундаа уухаа больж чадахгүй байгаа гэнэ. Тэрээр "Би энэ зуршлаа хаях гэж хичээдэг. Гэхдээ нэг л мэдэхэд "Coke Zero" ундаанаас хэд хэдийг аваад уучихдаг" хэмээн ярьж байна. Одоо эмч тар түүний ходоодыг тайрч магадгүй болоод байгаа ажээ.

Долоо хоногт нэг хийжүүлсэн ундаа тогтмол уугаад байвал жилийн дотор 5 кг нэмдэг байна. Тэгвэл өдөрт нэг удаа уувал, юу болохыг төсөөлж байна уу? Жилд 35 кг нэмнэ гэсэн үг. Кола ууж таргалснаар зүрх, судасны даралт ихэснэ, кальци алдагдана. Үүнээс болж үе мөч өвдөж эхэлнэ. Хамгийн аюултай нь, түүний найрлагад кафейн буюу сэргээш агуулсан, донтуулах бодис бий.