ЕВРОПТ “ДОНЕР КЕБАБ”-ЫГ ХОРИГЛОНО

Европын парламент хуралдаж, үйлдвэрийн аргаар боловсруулсан мах бэлтгэж буй "Донер Кебаб" сүлжээг хориглох эсэх асуудлаар хэлэлцжээ. Нийт гишүүдийн дийлэнхи олонхи нь дэмжиж, ердөө 30 хүн татгалзсан байна.

Кебабын махыг шүүслэг, зөөлөн, амттай байлгахын тулд хөлдөөж, фосфорын хүчлийн давс цацдаг тул ийнхүү хориглох тухай асуудал яригдах болжээ. Фосфорын хүчлийн давс нь зүрх судасны өвчлөл үүсгэдэг, эрүүл мэндэд хортой гэж зарим эрдэмтэн баталдаг юм. Харин зарим нь хортой эсэхийг нь батлаагүй хэмээн маргадаг ажээ. Тиймээс Европын Хүнсний аюулгүй байдлын агентлаг энэ маргааныг таслахаар удахгүй нэгдсэн судалгаа хийхээр төлөвлөж байна.

Кебаб нь Турк үндэстнээс гаралтай бөгөөд 1970-аад оноос дэлхий даяар алдаршжээ. Ялангуяа АНУ, Европын томоохон хотуудад гамбургертай адил түгээмэл хоол юм.