Дашчойлин хийдийн дэд хамба Жонан Ханчэн боллоо

Зүүн Хүрээ Дашчойлин хийдийн лам Жонан Ханчэн гэгээнтнийг дэд хамба ламын суудалд залах ёслолын үйл ажиллагаа боллоо. Тэрбээр Хэнтий нутгаас төрөн гарсан цөөн хутагт хувилгаадын нэг . Анх 2007 онд  Өмнөдэлгэр сумаас гаралтай бурхны шашны гол урсгалуудын нэг Жононгийн ёсны 14 их хамбын нэг Жонон Гончиг Жансан Бал Самбуу ламын хойд дүрээр Ц.Гантөмөр  тодорч, өдгөө Жонон Ханчэн гэгээн хэмээн олноо алдаршин байдаг. Түүнийг 1990 онд гурван настай байхад нь Дамбадаржаалин хийдэд лам болгож, 1996-2003 он хүртэл Дашчойлин хийдэд шавилан сууж, үүнийхээ хажуугаар Багшийн дээдийн лицей 104 дүгээр сургуульд сурч байжээ. Тэрбээр 2003 онд Өмнөд Энэтхэг улсад бурхны эрдэм номд суралцаж, эх орондоо ирсэн .