Баянхонгор аймагт 3.6 магнитудын газар хөдөлжээ

Баянхонгор аймгийн Баянговь сумын төвөөс баруун хойд зүгт 28 километрийн зайд өчигдөр 20:13:57 цагт 3.6 магнитудын хүчтэй газар хөдөлсөн байна.

Баянговь сумын Өрхөт багийн “Адгийн шаваг” гэдэг газар /аймгийн төвөөс урд зүгт 268 км, сумын төвөөс баруун хойд зүгт 28 км, Ө-44°57'36.0", У-100°14'24.0"/  3.6 магнитудын хүчтэй газар хөдлөлт болсон тухай мэдээллийг  ООГХ-ээс цахим шуудангаар ирүүлжээ. 

Тус аймгийн Онцгой байдлын газраар дамжуулан Баянговь сумын Засаг дарга, Өрхөт багийн Засаг дарга, малчид газар хөдлөлтийн чичирхийлэл мэдрэгдээгүй, учирсан хохиролгүй гэж хэлжээ.