Согтуу нөхрөө дайрч амь насыг нь хохироожээ

Төв аймагт согтуу нөхрөө машинд суулгах үедээ дайрч амь насыг нь хөнөөсөн хэрэг гарчээ. Тухайн хэрэг үйлдэгч нь 59 настай эмэгтэй юм байна.  Шүүхээс болгоомжгүйгээр хүний амь насыг хөнөөсөн гэх зүйл ангиар гурван жил зорчих эрхийг хязгаарлах ял оноожээ.

Хэрэг үйлдэгч шүүхэд "...машин тойрч гарах гээд байхаар нь би урдуур нь хаагаад машинаар хориод байсан чинь нар буруу бүтэн эргээд тэнд байсан дэрсийг тойроод зугтаасан. Ингээд би араас нь машинаар гүйцэж барьж авах гээд ширүүхэн явсан гэнэт урдуур орж ирээд дайрагдчих шиг болсон. Уг нь тэр үед ухаантай байсан ч эмнэлэгт очоод өнгөрчихсөн” гэж мэдүүлэг өгчээ.