Солонгос иргэдийн визгүй зорчих хугацааг сунгав

Монгол Улсын Засгийн газар Солонгос иргэдийн аялал жуулчлалын зорилгоор визгүй зорчих хугацааг энэ оны арванхоёрдугаар сарын 31-нийг хүртэл сунгасан байна. 

Ингэхдээ “Монгол Улсад аялал жуулчлалын зорилгоор ирсэн Солонгос иргэдийг 2022 оноос эхлэн визгүй зорчихыг Монгол Улсын Засгийн газар түр зөвшөөрчээ. Уг нь 2024 оны арванхоёрдугаар сар хүртэл байсан ч энэ оны арванхоёрдугаар сарын 31 хүртэл нэг жилээр сунгахаар болсон нь энэ онд Монголын аялал жуулчлалын зах зээл өсөх хүлээлт үүсгээд байна. Энэхүү сунгалт нь Солонгос, Монгол хоёр орны иргэдийн солилцоог идэвхжүүлж, хоёр орны ард түмний ойлголцол, найрсаг харилцааг улам өргөжүүлнэ гэж БНСУ-аас Монгол Улсад суугаа Элчин сайдын яам үзэж байна. Түүнчлэн БНСУ-ын иргэд Монгол Улсад аялал жуулчлалын зорилгоор 90 хоногоос доош хугацаагаар оршин суухыг хүсвэл одоогийн байдлаар тус тусад нь визгүй зорчих боломжтой. Аялал жуулчлалаас бусад зорилгоор, тухайлбал, хөдөлмөр эрхлэх, гадаадад суралцах, удаан хугацаагаар оршин суух болон бусад хувийн айлчлалын хувьд зохих визтэй байх ёстойг анхааруулья” гэж мэдээллээ.