Дэлбэрэлтэд өртсөн 207-р байрыг гар аргаар нураах шийдвэр гарчээ

Дүнжингаравын уулзварт болсон ослын улмаас дэлбэрэлтэд өртсөн 207-р байрыг нураах шийдвэр гаргасны дагуу уг байрыг нураах тендерийн сонгон шалгаруулалт зарласан. Энэ талаар хотын дарга Х.Нямбаатар, “Эхний тендерийн сонгон шалгаруулалтад тавьсан шалгуур хангах материал ирүүлсэн аж ахуй нэгж гараагүй. Тендерийн хуульд борлуулалтын орлого, хугацаа хэтэрсэн өр зээлгүй байх гэх мэт нийтлэг шаардлага байдаг. Үүнд нийцэх ААН байгаагүй тул тендерийг дахин зарласан.207-р байрыг нураах ажиллагаа нэлээд түвэгтэй байна. 

Хоёр байрны дунд барьсан учир тэсэлгээний аргаар нураах боломжгүй. Тиймээс гар аргаар нураах шийдвэр гарсан. Ирэх хавар байрыг нурааж, яг энэ барилгын батлагдсан зураг, хэмжээ квадратаар нь орон сууцыг барьж, айл өрхүүдийг оруулна. Эрүүгийн хэрэг хянан шийдвэрлэх ажиллагааны явцад нийслэл гуравдагч этгээдээр татагдсан. Бид гуравдагч этгээдийн хувиар гэм буруутай нь тогтоогдсон ААН-ээр нураасан, барьсан зардлуудаа нэхэмжилж хохирлоо барагдуулна” гэв.