Эрүүлжүүлэгдсэн 10 хүн тутмын 4 нь согтуугаар тээврийн хэрэгсэл жолооджээ

Шинэ жилийн баярын өдрүүдэд иргэдийг согтууруулах ундаа хэтрүүлэн хэрэглэхгүй байх, согтуугаар тээврийн хэрэгсэл жолоодохгүй байхыг мэргэжлийн байгууллагууд зөвлөж байна. Гэвч аж ахуйн нэгжүүдийн баяр ёслолын арга хэмжээнд согтууруулах ундаа хэтрүүлэн хэрэглэснээс хөлдөж осгож амь насаа алдах, эрүүл мэндээр хохирох, цаашлаад согтуурсан үедээ тээврийн хэрэгсэл жолоодож бусдын амь насанд хүрэх зэрэг хэргүүдийн тоо тасрахгүй байна. Албадан эрүүлжүүлэгдсэн 10 хүн тутмын 4 нь согтуугаар тээврийн хэрэгсэл жолоодсон гэх мэдээлэл байна. Тиймээс болзошгүй эрсдлээс өөрийгөө болон бусдыг хамгаалахыг холбогдох байгууллагаас зөвлөж байна.