Амралтын өдрөөс нэмэлт автобус явна

Энэ бямба гараг буюу арванхоёрдугаар сарын 21-ний өдрөөс эхлэн тодорхой цагийн хуваарийн дагуу "Сүхбаатарын талбай - Скай ресорт", "Офицеруудын ордон - Тэрэлж" чиглэлд нэмэлт автобус явахаар боллоо. НИТХ болон НЗДТГ хамтран сурагчдын амралт эхэлж буйтай холбогдуулан иргэдийг агаарт гарах боломж нөхцөлийг бүрдүүлэхээр ажиллаж буй. Тэгвэл энэ хүрээнд иргэдийг амралт, жуулчны баазууд руу хүргэх нийтийн тээврийн тусгай маршрут гаргах талаар олон нийтийн дунд цахимаар санал асуулга авсан. Санал асуулгад оролцсон иргэдийн ихэнх нь Тэрэлж, Скай ресорт руу гэр бүлээрээ агаарт гарах хүсэлтэй байгаагаа илэрхийлжээ.