Нийгэмд чиглэсэн хөрөнгө оруулалт хийсэн хувийн хэвшил, аж ахуй нэгж, байгууллагад татварын хөнгөлөлт үзүүлнэ

Засгийн газраас ирэх 2025 оны нэгдүгээр сарын 1-нээс хувийн хэвшил, аж ахуй нэгж, байгууллага нийгэмд чиглэсэн хөрөнгө оруулалт хийж, санхүүгийн дэмжлэг үзүүлсэн тохиолдолд нэг хувь хүртэлх хэмжээгээр татварын хөнгөлөлт үзүүлэх тухай заалт хэрэгжиж эхэлнэ.

Татварын ерөнхий газрын мэдээлснээр энэхүү заалт нь нийгмийн сайн сайхны төлөө бүтээн байгуулалт хийдэг аж ахуй нэгжүүдэд боломж нээж өгсөн аж. Тухайлбал, ахмад настан, хөгжлийн бэрхшээлтэй иргэн, хүүхдийн асрамжийн үйлчилгээ, соёлын өвийг хамгаалах, сэргээх, нийтийн зам талбай, цэцэрлэгт хүрээлэн барьж байгуулаг зэрэг нийгэмд чиглэсэн ажлуудад хөрөнгө оруулалт хийж, санхүүгийн дэмжлэг, хандив үзүүлсэн бол тухайн зардлыг албан татваар хасаж, хөнгөлөлт үзүүлэх аж.