Хан-Уул дүүрэг парк шинэчлэлийг 100 хувь хийлээ

Хан-Уул дүүрэг сүүлийн дөрвөн жилийн хугацаанд хог тээвэр, зам талбайн 45 автомашиныг дүүргийн зам талбай, цэвэрлэгээний байгууллагуудад үе шаттай шийдвэрлэн өгч, парк шинэчлэлийг 100  хувь хийсэн байна. 

Тэгвэл өнөөдөр дүүргийн хөрөнгө оруулалтаар зам талбайн хог, цас, хусах, шүүрдэх, бутлах, ачих зориулалтын "ZL939" маркийн 12 ковш, тусгай зориулалтын "XN125W-9G" маркийн нэг экскаваторыг дүүргийн зам талбайн цэвэрлэгээ хариуцсан байгууллагуудад хүлээлгэн өгөв. Тусгай зориулалтын ковш, экскаваторууд нь зам талбайн цас мөс, хог хаягдал цэвэрлэх дөрвөн төрлийн хошуутай, зам талбайн цас мөс хог хаягдлыг хүний оролцоогүйгээр түргэн хугацаанд цэвэрлэх боломжтой. Мөн дагтаршсан цас мөсийг бутлах, автоматаар ачих, хог хусаж, хамах, нүх ухах, их хэмжээний хур хог хаягдлыг ачих, цас болон хог хусаж, хамах, нүх ухах, их хэмжээний хур хог хагдлыг ачиж, буулгах автомат ажиллагаатай техник хэрэгслүүд юм.  

Тодруулбал, энэ онд дүүргийн хөрөнгө оруулалтаар хошг тээврийн 16 машин, зам цэвэрлэгээний зам шүүрдэх услах тусгай зориулалтын хоёр автолмашин, нуух цэвэрлэх долоон жижиг машин, давс бодис цацагч 15, явган замын цас хог үлээгч багаж 50, явган зам шүүрдэгч 27 техник хэрэгсэл, нийт 20 автомашинаар парк шинэчдлэл хийж, хог тээвэр, зам талбайн цэвэрлэгээ хариуцсан байгууллагууддаа шийдвэрлэн өгсөн байна.